ഡിസിസി പുന സംഘടനയുമായി ബന്ധപ്പെട്ട് നേതാക്കളെ വ്യക്തിഹത്യ ചെയ്യുന്നത് അച്ചടക്ക ലംഘനമെന്ന് കെ സുധാകരൻ

ഡിസിസി പുന സംഘടനയുമായി ബന്ധപ്പെട്ട് നേതാക്കളെ വ്യക്തിഹത്യ ചെയ്യുന്നത് അച്ചടക്ക ലംഘനമെന്ന് കെ സുധാകരൻ. നേതാക്കളെ അവഹേളിച്ച് ഇല്ലാതാക്കാൻ ശ്രമിക്കുന്നവർ പാർട്ടിയുടെ ശത്രുക്കൾ. സംഘടനാ ശേഷി മാത്രം പരിഗണിച്ച് കേന്ദ്രത്തിന് കൈമാറിയത് മികച്ച പട്ടിക. കുപ്രചരണങ്ങളിൽ സഹപ്രവർത്തകരും അനുഭാവികളും വീണുപോകരുതെന്നും കെപിസിസി അധ്യക്ഷന്‍ കെ സുധാകരൻ ചൂണ്ടിക്കാട്ടി. Read Also : കെപിസിസി അധ്യക്ഷന്‍ കെ സുധാകരന്‍ ഡൽഹിയിലേക്ക്; ലക്ഷ്യം അന്തിമപട്ടികക്ക് രൂപം നല്‍കൽ തങ്ങൾക്കിഷ്ടമില്ലാത്തവർ നേതൃത്വത്തിലെത്തിയാൽ അവരെ അവഹേളിച്ച് ഇല്ലാതാക്കാമെന്ന മുൻവിധിയോടെ പ്രവർത്തിക്കുന്നവർ നമ്മുടെ പ്രസ്ഥാനത്തിന്‍റെ ബന്ധുക്കളല്ല, ശത്രുക്കൾ തന്നെയാണ്. ഒരു നേതാവിനോടുള്ള ഇഷ്ടം കാണിക്കാൻ മറ്റ് നേതാക്കളെ വ്യക്തിഹത്യ ചെയ്യുന്നതും അച്ചടക്കമുള്ള പ്രവർത്തകർക്ക് ചേർന്നതല്ല. കോൺഗ്രസിന്‍റെ പേരിൽ സമൂഹിക മാധ്യമങ്ങളിൽ ഗ്രൂപ്പുകളുണ്ടാക്കി ഉന്നത നേതാക്കളെ തേജോവധം ചെയ്യുന്നവർ അത്തരം പാർട്ടി വിരുദ്ധ പ്രവർത്തനങ്ങളിൽ നിന്ന് പിന്മാറണമെന്ന് കെപിസിസി അധ്യക്ഷൻ എന്ന നിലയിൽ താക്കീത് ചെയ്യുന്നുവെന്നും കെ സുധാകരന്‍ വ്യക്തമാക്കി. കോൺഗ്രസ് പ്രതിസന്ധി ഘട്ടത്തിലൂടെയാണ് പോകുന്നതെന്ന് മറച്ചുവെക്കുന്നില്ല. കോൺഗ്രസ് സംഘടനാപരമായി ശക്തിപ്പെടേണ്ടത് കാലഘട്ടത്തിന്‍റെ ആവശ്യമാണ്. Read Also : കെപിസിസി അധ്യക്ഷന്‍ കെ സുധാകരന്‍ ഡൽഹിയിലേക്ക്; ലക്ഷ്യം അന്തിമപട്ടികക്ക് രൂപം നല്‍കൽ പിണറായി സർക്കാരിന്‍റെ കെടുകാര്യസ്ഥകൾ മറച്ചുപിടിക്കാനാണ് കോൺഗ്രസിന്‍റെ ആഭ്യന്തര കാര്യങ്ങളിലേക്കുള്ള അനാവശ്യ കടന്നുകയറ്റം. കേരളത്തെ ദുരിതക്കയത്തിലേക്ക് തള്ളിയിട്ട പിണറായി വിജയൻ – ആര്‍എസ്എസ് സഖ്യത്തെ ജനമധ്യത്തിൽ തുറന്നുകാട്ടാൻ എത്രയും പെട്ടെന്ന് തന്നെ ഡിസിസികൾ പ്രവർത്തനസജ്ജമാകേണ്ടതുണ്ട്. ഹൈക്കമാൻഡ് അന്തിമ പട്ടിക പ്രഖ്യാപിച്ചാലുടൻ തന്നെ കൂടുതൽ ഊർജത്തോടെ ഈ ജനവിരുദ്ധ ഭരണകൂടങ്ങളെ പിടിച്ചുലയ്ക്കുന്ന പ്രതിഷേധങ്ങളുമായി, നാടിന്‍റെ ശബ്ദമായി മാറാൻ ഓരോ പ്രവർത്തകനും ആത്മാർത്ഥമായി ശ്രമിക്കണമെന്ന് ആഹ്വാനം ചെയ്യുന്നുവെന്നും കെ സുധാകരന്‍ വ്യക്തമാക്കി. Read Also : കെപിസിസി അധ്യക്ഷന്‍ കെ സുധാകരന്‍ ഡൽഹിയിലേക്ക്; ലക്ഷ്യം അന്തിമപട്ടികക്ക് രൂപം നല്‍കൽ കെ സുധാകരന്‍റെ കുറിപ്പ് എനിക്കേറ്റവും പ്രിയപ്പെട്ട കോൺഗ്രസ്‌ പ്രവർത്തകരോട്… ഡിസിസി പുന:സംഘടനയുമായി ബന്ധപ്പെട്ട് മാധ്യമങ്ങളിൽ വരുന്ന ഊഹാപോഹങ്ങൾ ശ്രദ്ധയിൽ പെട്ടു . എല്ലാക്കാലത്തും കോൺഗ്രസിനെയും കോൺഗ്രസ് നേതാക്കളെയും അകാരണമായി വേട്ടയാടിയിട്ടുള്ള മാധ്യമങ്ങളുടെയും ചില സ്ഥാപിത താത്പര്യക്കാരുടെയും കുപ്രചരണങ്ങളിൽ എന്‍റെ സഹപ്രവർത്തകരും കോൺഗ്രസ് അനുഭാവികളും വീണുപോകരുത്. ഇന്ത്യൻ നാഷണൽ കോൺഗ്രസ് ഒരു പ്രതിസന്ധി ഘട്ടത്തിലൂടെയാണ് കടന്നു പോകുന്നതെന്ന യാഥാർത്ഥ്യം മറച്ചു വെയ്ക്കുന്നില്ല. കോൺഗ്രസ് ശക്തിപ്പെടേണ്ടത് ഈ നാടിന്‍റെ ആവശ്യമാണ്. എപ്പോഴൊക്കെ കോൺഗ്രസ് തളർന്നിട്ടുണ്ടോ, അപ്പോഴൊക്കെ ഈ രാജ്യം കിതച്ചിട്ടുണ്ട്, തകർന്നടിഞ്ഞിട്ടുണ്ട്. ഈ നാടും രാജ്യവും മുന്നോട്ട് കുതിക്കണമെങ്കിൽ കോൺഗ്രസ് സംഘടനാപരമായി ശക്തിപ്പെട്ടേ തീരൂ എന്ന കാലഘട്ടത്തിന്‍റെ ആവശ്യം ഓരോ കോൺഗ്രസുകാരനും തിരിച്ചറിയണം. Read Also : കെപിസിസി അധ്യക്ഷന്‍ കെ സുധാകരന്‍ ഡൽഹിയിലേക്ക്; ലക്ഷ്യം അന്തിമപട്ടികക്ക് രൂപം നല്‍കൽ അത്തരത്തിൽ നാടിന്‍റെ നന്മ ലക്ഷ്യമാക്കി കോൺഗ്രസിനെ ഉടച്ചുവാർക്കാനുള്ള ശ്രമങ്ങളുമായി കേന്ദ്ര സംസ്ഥാന നേതൃത്വം മുന്നോട്ടു പോകുകയാണ്. സമുന്നതരായ നേതാക്കൾ ദിവസങ്ങളോളം കൂടിയാലോചിച്ച്, സംഘടനാ ശേഷി മാത്രം പരിഗണിച്ച് മികച്ചൊരു പട്ടികയാണ് കേന്ദ്ര നേതൃത്വത്തിന് സംസ്ഥാന നേതൃത്വം കൈമാറിയിരിക്കുന്നത്. എന്നാൽ മാധ്യമ ലോകത്തിലെ സിപിഎം സഹയാത്രികരും കോൺഗ്രസ് നശിച്ചു കാണാൻ ആഗ്രഹിക്കുന്ന ചിലരും ഒന്നുചേർന്ന് വ്യാജ വാർത്തകൾ ചമച്ച് പാർട്ടിയെ തകർക്കാൻ ശ്രമിക്കുകയാണ്. പിണറായി സർക്കാരിന്‍റെ കെടുകാര്യസ്ഥതകൾ മറച്ചു പിടിക്കാനാണ് കോൺഗ്രസിന് ആഭ്യന്തര കാര്യങ്ങളിലേയ്ക്കുള്ള അനാവശ്യ കടന്നുകയറ്റം എന്ന് ഓരോ പാർട്ടി പ്രവർത്തകനും തിരിച്ചറിയണം. മാധ്യമങ്ങളുടെ പരിലാളനയും താരാട്ടുപാട്ടുകളും കേട്ടല്ല കേരളത്തിൽ കോൺഗ്രസും കോൺഗ്രസിന്‍റെ ജനകീയ നേതാക്കളും വളർന്നത്. ഈ പാർട്ടിയെ ചലനാത്മകമാക്കി കേന്ദ്ര സംസ്ഥാന സർക്കാരുടെ കൊള്ളകളെ തുറന്നു കാണിക്കാൻ തക്ക സംഘാടക ശേഷിയുള്ള നേതാക്കളെ ഡിസിസി പ്രസിഡൻ്റുമാരായി പാർട്ടിക്ക് നൽകാനാണ് തീരുമാനങ്ങളെടുക്കാൻ ഇത്രയധികം സമയം സംസ്ഥാന നേതൃത്വം വിനിയോഗിച്ചത്.