രണ്ടര ലക്ഷം ഇടങ്ങളിൽ പ്രതിരോധ പരിശീലനം ; കൊറോണ മൂന്നാം തരംഗത്തെ നേരിടാൻ ആർഎസ്എസ്
കൊറോണ രണ്ടാം തരംഗത്തിൽ നിന്ന് ഉണ്ടായ സാഹചര്യങ്ങളെ ആർ എസ് എസ് രംഗത്തിറക്കിയ പ്രതിരോധ പ്രവർത്തകർ അവലോകനം ചെയ്തു . ഫെസിലിറ്റേഷൻ സെന്ററുകൾ സൃഷ്ടിക്കുക, പ്രതിരോധ കുത്തിവയ്പ്പിനായി പ്രമോഷണൽ ക്യാമ്പെയ്നുകൾ നടത്തുക എന്നിവയടക്കം ഇതുവരെ നടത്തിയ പ്രവർത്തനങ്ങളെക്കുറിച്ചും ആർ എസ് എസ് ചർച്ച ചെയ്തു.
കൊറോണ മൂന്നാം തരംഗത്തിന്റെ സാധ്യത കണക്കിലെടുത്ത്, സർക്കാരുമായി ചേർന്ന് പ്രവർത്തിക്കുന്നതിനും, രോഗികളെ സഹായിക്കുന്നതിനും പ്രത്യേക“ പ്രതിരോധ പരിശീലനം ”രാജ്യമെമ്പാടും സംഘടിപ്പിക്കും. പരിശീലനം ലഭിച്ച ഈ ആർ എസ് എസ് പ്രവർത്തകർ ജനങ്ങൾക്ക് എല്ലാ സഹായങ്ങളും എത്തിക്കാനായി പ്രവർത്തിക്കും. പരിശീലനം ഓഗസ്റ്റ് മാസത്തിൽ പൂർത്തിയാകും, സെപ്റ്റംബർ മുതൽ എല്ലാ ഗ്രാമങ്ങളിലും നഗര പ്രദേശങ്ങളിലും ജൻ ജാഗ്രൻ ക്യാമ്പെയ്നുകളും നടത്തുമെന്ന് ആർഎസ്എസ് അറിയിച്ചു
