ന്യൂഡൽഹി: കോവിഡ് വാക്സിൻ കൂടുതൽ പാഴാക്കുന്ന സംസ്ഥാനങ്ങളുടെ പട്ടിക പുറത്ത് വിട്ട് കേന്ദ്രസർക്കാർ. പുതിയ വാക്സിൻ നയം പ്രകാരം സംസ്ഥാനങ്ങള്‍ക്കുള്ള വാക്സിന്‍ കേന്ദ്രസര്‍ക്കാറാണ് ഇനി വിതരണം ചെയ്യുക. വിവിധ സംസ്ഥാനങ്ങള്‍ക്കായി വാക്സിന്‍ വിതരണം ചെയ്യുന്നതിനുള്ള മാനദണ്ഡത്തില്‍ വാക്സിന്‍ പാഴാക്കല്‍ നിരക്കും ഉള്‍പ്പെടുത്തിയിട്ടുണ്ട് .
ആരോഗ്യമന്ത്രാലയത്തിന്റെ കണക്കുകൾ പ്രകാരം വാക്സിന്‍ പാഴാക്കുന്നതില്‍ മുന്നില്‍ ഝാര്‍ഖണ്ഡാണെന്ന് റിപ്പോര്‍ട്ട് . 33.59 ശതമാനമാണ് ഝാര്‍ഖണ്ഡ് പാഴാക്കുന്ന വാക്സിനെന്നാണ് റിപ്പോർട്ട്.
ഛത്തീസ്ഗഢ് 15.79 ശതമാനവും മധ്യപ്രദേശ് 7.35 ശതമാനവും വാക്സിന്‍ പാഴാക്കുന്നു. പഞ്ചാബ്, ഉത്തര്‍പ്രദേശ്, ഗുജറാത്ത്, ഡല്‍ഹി, രാജസ്ഥാന്‍,മഹാരാഷ്ട്ര സംസ്ഥാനങ്ങളും വാക്സിന്‍ പാഴാക്കുന്നുണ്ട്.
