ആലപ്പുഴ: ആലപ്പുഴ ഓമനപ്പുഴ പൊഴിയിൽ സഹോദരങ്ങൾ മുങ്ങി മരിച്ചു. അഭിജിത്ത്(10), അനഘ(9) എന്നിവരാണ് മരിച്ചത്. നാലുതൈക്കൽ നെപ്പോളിയന്റെ മക്കളാണ് മരിച്ചത്. വൈകിട്ട് ആറ് മണിയ്‌ക്ക് ശേഷമാണ് സംഭവം.
കൂട്ടുകാർക്കൊപ്പം കളിക്കാൻ പോയതായിരുന്നു ഇരുവരും. പൊഴിയിലേക്ക് ഇറങ്ങി കളിക്കുന്നതിനിടെ ഒഴിക്കിൽപ്പെടുകയായിരുന്നു. മറ്റ് കുട്ടികൾ ബഹളംവെച്ച് ആളുകളെ കൂട്ടിയപ്പോഴെക്കും കുട്ടികൾ മുങ്ങിത്താണിരുന്നു. മൃതദേഹങ്ങൾ വണ്ടാനം മെഡിക്കൽ കോളേജിൽ സൂക്ഷിച്ചിരിക്കുകയാണ്.
