ചെന്നൈ: തമിഴ്നാട് നിയമസഭയ്ക്കകത്ത് ആത്മഹത്യാശ്രമം. നിയമസഭാ ഹാളിന് പുറത്ത് മീഡിയാ സെൻ്ററിന് സമീപമാണ് 45 കാരൻ അറുമുഖൻ തീ കൊളുത്തി ആത്മഹത്യയ്ക്ക് ശ്രമിച്ചത്. പെട്രോൾ ദേഹത്തൊഴിച്ച ശേഷം തീപ്പെട്ടിയുരക്കും മുമ്പ് പൊലീസ് ഇയാളെ പിടികൂടി പുറത്തേക്ക് കൊണ്ടുപോയി. മാധ്യമ പ്രവർത്തകനെന്ന വ്യാജേനെയാണ് അറുമുഖൻ നിയമസഭക്കകത്ത് കയറിയത്. ആത്മഹത്യ ശ്രമത്തിൻ്റെ കാരണം വ്യക്തമായിട്ടില്ലെന്ന് പൊലീസ് പറഞ്ഞു.
