തിരുവനന്തപുരം : ചെങ്കോട്ടുകോണത്ത് ഭാര്യയെ ഭർത്താവ് നടുറോഡിൽ വെച്ച് വെട്ടിക്കൊന്നു. ശാസ്തവട്ടം സ്വദേശിയായ ഷീബ എന്ന പ്രഭയെയാണ്(38) ഭർത്താവ് സെൽവരാജ് വെട്ടിക്കൊന്നത്. പ്രഭ ജോലി കഴിഞ്ഞ മടങ്ങുന്നതിനിടെയായിരുന്നു ആക്രമണം. സംഭവത്തിൽ സെൽവരാജിനെ പോത്തൻകോട് പോലീസ് കസ്റ്റഡിയിലെടുത്തു.
പ്രഭ ജോലി കഴിഞ്ഞ വീട്ടിലേക്ക് മടങ്ങവേ സെൽവരാജ് കത്തികൊണ്ട് വെട്ടിയും കുത്തിയും പരിക്കേൽപ്പിക്കുകയായിരുന്നു. മാരകമായി പരിക്കേറ്റ ഇവരെ ആശുപത്രിയിലേക്ക് കൊണ്ടുപോകുന്നതിനിടെയാണ് മരണം സംഭവിച്ചത്.
കുടുംബപ്രശ്‌നമാകാം കൊലപാതകത്തിന് കാരണം എന്നാണ് പോലീസിന്റെ പ്രാഥമിക നിഗമനം. റൂറൽ എസ്.പി പി.കെ മധുവിന്റെ നേതൃത്വത്തിൽ പോലീസ് സംഘം പ്രാഥമിക നടപടികൾ പൂർത്തീകരിച്ച് അന്വേഷണം ആരംഭിച്ചു.
