കോഴിക്കോട് മെഡിക്കൽ കോളേജിന് സമീപം ഓവുചാലിൽ മൃതദേഹം കണ്ടെത്തി ; അന്വേഷണം ആരംഭിച്ച് പോലീസ് Kozhikode

കോഴിക്കോട് : കോഴിക്കോട് മെഡിക്കൽ കോളേജിന് സമീപം ഓവുചാലിൽ അജ്ഞാത മൃതദേഹം കണ്ടെത്തി. എട്ടാം വാർഡിന് പിന്നിലുള്ള ഓവുചാലിലാണ് അഴുകിയ നിലയിൽ മൃതദേഹം കണ്ടെത്തിയത്. മൃതദേഹം തിരിച്ചറിയാനാവാത്ത വിധത്തിൽ അഴുകിയതായതിനാൽ മരിച്ചത് ആണാണോ പെണ്ണാണോ എന്ന് കണ്ടെത്താനായിട്ടില്ല.

സാധാരണ ആളുകൾ പോകാത്ത ഭാഗത്താണ് മൃതദേഹം കിടന്നിരുന്നത്. ആശുപത്രിയിൽ ചികിത്സയിലായിരുന്ന ഒരാൾക്ക് കൂട്ടിരുന്ന വ്യക്തി മാലിന്യം കളയാൻ പോയപ്പോഴാണ് മൃതദേഹം കണ്ടത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.