ന്യൂഡൽഹി: ഡൽഹിയിൽ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) ഓഫീസിൽ തീപിടുത്തം. പാർക്കിംഗ് ഏരിയയിലെ ഇലക്ട്രോണിക് മുറിയിലാണ് തീപിടുത്തമുണ്ടായത്. അഞ്ച് ഫയർ ടെൻഡറുകൾ ഉടൻ തന്നെ സ്ഥലത്തെത്തി തീ കെടുത്തിയത്.
നിലവിൽ സ്ഥിതി നിയന്ത്രണത്തിലാണ്. ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക വിലയിരുത്തൽ . പാർക്കിംഗ് സ്ഥലത്ത് നിന്ന് പുക പുറത്തേക്ക് വരുന്നത് കണ്ടാണ് ഉദ്യോഗസ്ഥർ സംഭവം ശ്രദ്ധിച്ചത്. ജീവനോ സ്വത്തിനോ നാശനഷ്ടങ്ങൾ റിപ്പോർട്ട് ചെയ്തിട്ടില്ല
രാവിലെ 11.35 നാണ് തീപിടുത്തം ഉണ്ടായത്. സിബിഐ ഓഫീസിൽ നിന്ന് അടിയന്തര ഫോൺകാൾ പോയതോടുകൂടി അഗ്നിശമന സേന വാഹനങ്ങൾ സ്ഥലത്തെത്തുകയായിരുന്നു.
