തിരുവനന്തപുരം: കെപിസിസി പ്രസിഡന്റായി കെ.സുധാകരനെ തിരഞ്ഞെടുത്തു. ഹൈക്കമാന്ഡ് പ്രതിനിധി താരിഖ് അന്വര് നേതാക്കളുമായി നടത്തിയ ചര്ച്ചയ്ക്കു ശേഷമാണ് തീരുമാനം. സുധാകരനെ കെപിസിസി അധ്യക്ഷനായി തെരഞ്ഞെടുത്ത വിവരം രാഹുൽ ഗാന്ധി നേരിട്ടാണ് കെ.സുധാകരനെ വിളിച്ചറിയിച്ചത്.
കെപിസിസി അധ്യക്ഷനെ പ്രഖ്യാപിക്കേണ്ടെന്നായിരുന്നു ദേശീയ നേതൃത്വത്തിന്റെ തീരുമാനം. ഉമ്മന് ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന് എന്നീ നേതാക്കള് ആരുടേയും പേര് അധ്യക്ഷ സ്ഥാനത്തേക്ക് നിര്ദേശിച്ചിരുന്നില്ല. അതേസമയം എംഎൽഎ മാരുമാരുടെയും എംപി മാരുടെയും അഭിപ്രായം സംസ്ഥാനത്തിന്റെ ചുമതലയുള്ള എഐസിസി ജനറൽ സെക്രട്ടറി താരിഖ് അന്വര് തേടിയിരുന്നു.
