തിരുവനന്തപുരം : ജയിലുകളില് കൂടുതല് ചികിത്സാസൗകര്യം ഒരുക്കുമെന്ന് മുഖ്യമന്ത്രി പിണറായി വിജയന് . തടവുകാരുടെ ചികിത്സ ഉറപ്പാക്കുന്നത് സംബന്ധിച്ച യോഗത്തില് സംസാരിക്കുകയായിരുന്നു പിണറായി .
പ്രഥമികാരോഗ്യ കേന്ദ്രങ്ങളില് ലഭിക്കുന്ന ചികിത്സാസൗകര്യം എല്ലാ സെന്ട്രല് ജയിലുകളിലും ഉറപ്പാക്കണമെന്ന് മുഖ്യമന്ത്രി നിര്ദ്ദേശിച്ചു. മെഡിക്കല്കോളേജ് ആശുപത്രികളില് തടവുകാര്ക്ക് പ്രത്യേക ചികിത്സാസംവിധാനം ഒരുക്കും . ജയിലുകളില് ചുരുങ്ങിയത് രണ്ട് ഡോക്ടര്മാരെയെങ്കിലും നിയമിക്കും. ആവശ്യമെങ്കില് അധിക തസ്തികയും സൃഷ്ടിക്കും. എല്ലാ ജയിലുകളിലും ടെലിമെഡിസിന് സൗകര്യം ഏര്പ്പെടുത്തുമെന്നും മുഖ്യമന്ത്രി പറഞ്ഞു.
ചീഫ് സെക്രട്ടറി ഡോ. വിപി ജോയ്, ആഭ്യന്തര അഡീഷണല് ചീഫ് സെക്രട്ടറി ടി.കെ. ജോസ്, ആരോഗ്യവകുപ്പ് പ്രിന്സിപ്പല് സെക്രട്ടറി രാജന് ഖോബ്രാഗഡെ, ജയില് മേധാവി ഋഷിരാജ് സിംഗ് തുടങ്ങിയവര് യോഗത്തില് പങ്കെടുത്തു.
