ഡെറാഡൂൺ: ഉത്തരാഖണ്ഡിൽ പുതിയ മുഖ്യമന്ത്രിയായി പുഷ്‌കർ സിംഗ് ധാമി ഇന്ന് അധികാരമേൽക്കും. രണ്ടു തവണ ഖാതിമയിലെ ഉദ്ധം സിംഗ് നഗറിൽ നിന്നും നിയമസഭയിലെത്തിയ നേതാവാണ് ധാമി. 45 കാരനായ ധാമി ഉത്തരാഖണ്ഡിലെ 11-ാമത് മുഖ്യമന്ത്രിയാണ്. ഇന്ന് രാജ്ഭവനിൽ വൈകിട്ട് നാലുമണിക്കാണ് സത്യപ്രതിജ്ഞ. ചില മന്ത്രിമാരും പുതുതായി ചുമതലയേൽക്കും. കേവലം നാലു മാസം മാത്രം ഭരിച്ചശേഷം തീരഥ് സിംഗ് റാവത് രാജിവെച്ചതോടെയാണ് ധാമിയെ ബി.ജെ.പി മുഖ്യമന്ത്രിയായി തീരുമാനിച്ചത്.
